Boxing News jýrnaly Golovkındi «R4R koroli» ataǵynan aıyrdy

ASTANA. QazAqparat - Boks týraly jazatyn álemdegi eń eski basylym sanalatyn Boxing News brıtandyq jýrnalynyń (1909 jyldan beri shyǵady) saıty barlyq salmaq dárejesindegi álemdegi úzdik boksshylar (pound-for-pound) reıtınginiń jańartylǵan nusqasyn jarııalady, dep habarlaıdy Sports.kz.

Budan buryn birinshi oryndy ıelenip kelgen qazaqstandyq Gennadıı Golovkın meksıkalyq Saýl Alvaresten jeńilgennen keıin ekinshi orynǵa túsip qaldy. Ýkraındyq boksshy Vasılıı Lomachenko kósh bastap tur. Úshtikti AQSh ókili Terens Kroýford tuıyqtady. GGG-diń qarsylasy ondyqqa ilinbegen.

TOP-10 basqa oryndaryn ıelengen boksshylar mynalar:

4. Srısaket Sor Rýngvısaı (Taıland);
5. Aleksandr Ýsık (Ýkraına);
6. Maıkı Garsııa (AQSh);
7. Leo Santa Krýs (Meksıka);
8. Naoıa Inoýe (Japonııa);
9. Horhe Lınares (Venesýela);
10. Entonı Djoshýa (Ulybrıtanııa).