Boxing News reıtıngi: Golovkın kósh basynda qalýda
ASTANA. QazAqparat - Boks týraly Boxing News beldi jýrnalynda túrli salmaq sanatyndaǵy jańartylǵan reıtıng jarııalandy, dep habarlady Sports.kz.
Reıtıngtiń jańartylǵan nusqasynda Gennadıı Golovkınniń (37-0, 33 KO) kelesi qarsylasy Saýl Alvares (49-1-1, 34 KO) burynǵydaı birinshi orta salmaqta emes, orta salmaqtaǵy boksshylar qataryna engen. Basylym redaktsııasy bul dıvızıonda «Kanelony» ekinshi orynǵa qoıǵan. Reıtıngti burynǵysha WBA Super, WBC, IBF jáne IBO tujyrymdary boıynsha belbeýlerdiń ıegeri Gennadıı Golovkın bastap tur.
Kishi Chaveske qarsy jekpe-jekte jeńiske jetkennen keıin «Kanelo» birden orta salmaqta ekinshi orynǵa kóterildi. Buryn bul dıvızonǵa WBC chempıony kezinde jáne Mıgel Kottomen aıqasqanda - sondaı-aq ketchveıtte bolǵan kezde kirgen. Ol Golovkınmen kelisimshartqa qol qoıyp, orta salmaqqa ótetinin kórsetti. «Kanelo» orta salmaqqa aýysqannan keıin, birinshi orta salmaqta birinshi oryn Erıslandı Laraǵa berildi», - dep jazdy basylym.
