Boxam Elite-2024: 7 boksshy qyzymyz jarysty fınaldyq kezeńde bastaıdy

ASTANA. KAZINFORM – Ispanııanyń La-Nýsııa qalasynda Boxam Elite-2024 halyqaralyq týrnıri bastaldy. Alaıda, bokstan Qazaqstan áıelder quramasy sharshy alańǵa shyqpaı jatyp, birden 7 medalǵa qol jetkizdi.

Atalǵan dodada jerebe boıynsha keıbir boksshylarymyz jarysty birden fınaldan bastaıtyn bolsa, keıbir boksshylarymyz jartylaı fınaldan bastap birden sharshy alańǵa shyqpaq.

Atap aıtsaq, Áıgerim Satybaeva (48 keli), Jazıra Oraqbaeva (52 keli), Mádına Nurshaeva (70 keli) jáne Gúlsaıa Erjan (75 keli) ónerlerin jartylaı fınaldan bastaıdy. Demek, bul boksshylar jarysty bastamaı jatyp, qola medalǵa qol jetkizip turǵany anyq.

Al Aıda Ábikeeva (63 keli), Farıza Sholtaı (81 keli) jáne Lázzat Kúngeıbaeva (+81 keli) jekpe-jekti birden fınaldan bastaıdy. Bul boksshylarymyzdyń qolynda qazirdiń ózinde týrnırdiń kúmis júldesi tur.

Qazaqstan quramasynyń jekpe-jek kestesi:
48 kg. 1/2 fınal: Áıgerim Satybaeva (Qazaqstan) - Klara Kortes Fernandes (Ispanııa) / Glorııa D'Almeıda (Frantsııa);
50 kg. 1/4 fınal: Nazym Qyzaıbaı (Qazaqstan) - Rıta Soares (Portýgalııa);
52 kg. 1/2 fınal: Jazıra Oraqbaeva (Qazaqstan) - Irache Vals del Valle (Ispanııa);
54 kg. 1/4 fınal: Anel Saqysh (Qazaqstan) - Nıkol Klaıd (Irlandııa);
57 kg. 1/4 fınal: Karına Ibragımova (Qazaqstan) - Djennıfer Fernandes Romero (Ispanııa);
60 kg. 1/8 fınal: Aıdana Zabynbekova (Qazaqstan) - Rıza Pasýıt (Fılıppın);
63 kg. Fınal: Aıda Ábikeeva (Qazaqstan) - Sacha Haıkı (Anglııa);
70 kg. 1/2 fınal: Madına Nurshaeva (Qazaqstan) - Laora Kapıtstsı (Belgııa-1);
75 kg. 1/2 fınal: Gúlsaıa Erjan (Qazaqstan) - Aıd Djordj (Trınıdad jáne Tobago);
81 kg. Fınal: Farıza Sholtaı (Qazaqstan) - Ember Moss-Berch (Anglııa);
+81 kg. Fınal: Lázzat Kúngeıbaeva (Qazaqstan) - Saıra Garsıa Garaı (Ispanııa).