Bottıchellıdiń «Medalon ustaǵan jigit» kartınasy aýktsıonda 92 mln dollarǵa satyldy

NЬıÝ-IORK. QazAqparat – Qaıta órkendeý dáýiriniń ókili, florentııalyq sýretshi Sandro Bottıchellıdiń «Medalon ustaǵan jigit» kartınasy Nıý-Iork qalasynda ótken aýktsıonda 92 mln dollarǵa satyldy, dep habarlaıdy QazAqparat Sotheby's aýktsıon úıiniń saıtyna silteme jasap.

Bul sýretshiniń saýdaǵa shyǵarylǵan úzdik jumystarynyń biri. Satyp alǵan adamnyń esimi atalmaıdy.

Kartına 1470-1480 jyldary salynǵan. Bir kezderi ol Ýelstiń (Ulybrıtanııa) aqsúıekter áýletine tıesili boldy. Keıingi ret sýret 1982 jylǵy aýktsıonda 1,3 mln-ǵa satyp alynǵan bolatyn.

«Medalon ustaǵan jigit» Londondaǵy ulttyq galereıa, Nıý-Iorktegi Metropolıten óner murajaıy syndy álemdik murajaı, galereıalarǵa qoıylǵan edi.