Botsvannan sońǵy 100 jyldaǵy eń iri almaz tabyldy
ASTANA. QazAqparat - Bostvannan álemdegi eń iri almaz tabyldy. Salmaǵy 1111 karat tartatyn tas úlkendigi jaǵynan salmaǵy 3106 karat bolǵan ataqty Kýllınan almazyna ǵana jol beredi.
Úlkendigi jaǵynan álemdegi eń iri almaz kanadalyq Lucara Diamond Corporation kompanııasynyń afrıkandyq kenishinen tabyldy.
Kompanııa basshysynyń aıtýynsha, júz jyldan astam ýaqyttyń ishinde tabylǵan eń úlken zergerlik sapadaǵy salmaǵy 1000 karattan asatyn almazdyń tabylýynyń mańyzyna baǵa jetkisiz.
Almaz izdeýshilerde 100 jyldan astam ýaqyt boıy mundaı úlken olja bolǵan emes. Kýllınan almazy 1905 jyly OAR-da tabylǵan bolatyn. Kýllınan Ulybrıtanııa koroli Edýard VII-ge syıǵa tartyldy. Almazda jaryqtar bolǵandyqtan ol toǵyz iri jáne 96 usaq brıllıanttarǵa bólinip, eń úlkenderi Brıtanııa ımperııasy tájine qadaldy, dep habarlady Bı-bı-sı.
