Botsvanada 350-den astam pil belgisiz jaǵdaıda qyrylyp qaldy
BOTSVANA. EURONEWS – QazAqparat – Alǵashqy oqıǵalar mamyrdyń basynda Okavango ózeniniń saǵasynda tirkeldi. Aıdyń sońynda 170 janýardyń mert bolǵany anyqtalyp, maýsym ortasynda bul san eki esege artty, dep habarlaıdy QazAqparat Euronews jańalyqtaryna silteme jasap.
«Pilderdiń osylaı jappaı qyrylýy kópten beri bolmaǵan», - dep málimdedi «Ulttyq parkti qutqarý» brıtandyq qaıyrymdylyq uıymynyń tabıǵatty qorǵaý dırektory Naıl Makkann.
Onyń aıtýynsha, bul oqıǵa adamdardyń ómiri men densaýlyǵyna da qaýip tóndirýi múmkin.
Ǵalym Botsvana afrıkalyq pilderdiń úshten biriniń úıi ekenin, olardyń 10%-y osy jerdi mekendeıtinin, sol sebepti bul jaıt álemdik popýlıatsııaǵa qatty áser etýi múmkin ekenin atap ótti.
Brıtandyq BAQ habarlaýynsha, pilderdiń jartysynyń denesi sý aıdyndarynyń mańynan tabylǵan.
Kýágerlerdiń aıtýynsha, tiri janýarlardyń da áreketi birtúrli: olar aınalyp júredi, baǵytyn ózgertýge shamasy joq jáne álsiz kórinedi.
Jappaı qyrylý sebepteri ázirge belgisiz. Ýlanyp qalýy nemese qandaı da bir indet taraýy múmkin degen nusqalar qarastyrylyp jatyr.
