Bótenniń kóligin urlap ketken 20 jastaǵy qyz apatqa ushyrady
TALDYQORǴAN.QazAqparat - Almaty oblysynda 20 jastaǵy qyz tanys jigittiń «Mersedes» markaly kóligin ruqsatsyz aıdap ketip, apatqa ushyrady. Al kóliktiń urlanǵandyǵy jóninde shaǵymdy polıtseılerge Jambyl aýdanyndaǵy Uzynaǵash aýylynyń jergilikti turǵyny túsirgen, dep habarlaıdy QazAqparat tilshisi.
7 mamyrda túsken aryzdan keıin jas qyz kúdikke ilingen. Kóligi urlanǵan jigit boıjetkenmen jaqynda tanysqan bolyp shyqty. Tártip saqshylar kóp uzamaı joǵalǵan kóliktiń jol-kólik oqıǵasyna ushyraǵanyn anyqtady.
«Atqarylǵan tıisti sharalardyń nátıjesinde kúdikti Almaty qalasynan ustaldy. Ol sol qalada jasyrynyp jatqan. Kólik urlyǵynyna baılanysty sot aldy tergeý jumystary bastaldy», - dep málim etti oblystyq ІІD baspasóz qyzmeti.
Vedomstvonyń málimetinshe, jyl basynan beri oblystyń polıtseıleri joǵalǵan 70-ten asa kólikti ıesine qaıtarǵan.
