Bótenniń kóligin mingen júrgizýshi 9 jasar qyzdy qaǵyp ketti - Qostanaı
QOSTANAI. QazAqparat - Rýdnyı qalasynyń polıtseıleri 9 jasar qyzdy kólikpen qaǵyp, qashyp ketken júrgizýshini izdestirip jatyr, dep habarlaıdy QazAqparat tilshisi Qostanaı oblysy ІІD-niń baspasóz qyzmetine silteme jasap.
«14 tamyz kúni aq tústi «Kıa Rıo» markaly avtokóliginiń 39 jastaǵy júrgizýshisi Rýdnyı qalasyndaǵy Parkovaıa-Gagarın kósheleriniń qıylysynda ornalasqan jaıaý júrginshiler jolymen ótip bara jatqan 9 jasar oqýshy qyzdy qaǵyp ketti. Kólik apatynan bala oqıǵa ornynda kóz jumdy», - dedi departament ókili.
Júrgizýshi jol apatynan keıin kóligin qaldyryp ketip, oqıǵa ornynan jasyrynǵan.
«Polıtseıler avtokólik júrgizýshiniń kim ekenin anyqtady. Olar kúdiktini ustaýǵa bar kúshterin salýda. Sotqa deıingi tergeý amaldary bastalyp ketti», - dep túıindedi ІІD ókili.
