Bótelke «jemek» bolǵan birqazanǵa qatysty Almaty zoobaǵy túsinik berdi

ALMATY. QazAqparat – Áleýmettik jelide Almaty zoobaǵynda plastıkalyq bótelkeni jutýǵa tyrysyp jatqan birqazannyń vıdeosy tarady. Mekeme ujymy atalǵan jaǵdaıǵa qatysty túsinik berdi, dep habarlaıdy QazAqparat tilshisi.

Zoobaqtyń baspasóz qyzmeti taratqan málimetke sáıkes, birqazan plastıkalyq bótelkeni azyq retinde emes, oıynshyq retinde paıdalanǵan.

«Birqazan onyń jeıtin zat emes ekenin túsinedi. Biraq, bul janýarlar qorshaýyna qoqys tastaı berýge bolady degendi bildirmeıdi. Zoobaq erejesi boıynsha jáne adamgershilik turǵydan da kez kelgen jerde qoqys tastaýǵa qatań tyıym salynady», - dedi zoobaq ujymy.

Sondaı-aq mekemeniń baspasóz qyzmeti janýarlar turǵan qorshaýǵa qoqys tastamaýǵa, zoobaq qyzmetkerleriniń eńbegin baǵalap, janýarlarǵa janashyr bolýǵa úndedi.