Botaı mádenıetin jańǵyrtýǵa reseılik mamandar atsalyspaq
Búgin Chelıabi qalasynda Reseı men Qazaqstannyń óńiraralyq forýmy ótýde. Forýmda Aqmola men Chelıabi oblystary arasynda ekijaqty yntymaqtastyq máseleleri sóz bolýda. Ásirese týrızmdi damytýǵa kóp kóńil bólinýde. Osy oraıda, Aqmola oblysy ákiminiń keńesshisi Marat Igalıev Býrabaı kýrortynda Botaı mádenıeti murjaıyn jańǵyrtý týraly reseılik mamandarmen kelisim jasalǵanyn atap ótti.
Oǵan qosa, atalǵan forýmda «Chelıabınsk-Kókshetaý», «Túmen-Kókshetaý», «Omby-Kókshetaý», «Ekaterınbýrg-Kókshetaý» týra áýejolyn ashý sóz boldy. Osy maqsatta Kókshetaý áýejaıynyń basshylyǵy reseılik áriptesterimen kelisim jasaýdy josparlap otyr.
«Kókshetaýdan Reseı qalalaryna áýe joly arqyly tikeleı qatynaý. Ekijaqqa da tıimdi bolatyny sózsiz. Bul óz kezeginde óńirde týrıstik klasterdi damytyp qana qoıma, iskerlik týrızmdi damytýǵa, shekaradaǵy óńirlerdiń bir-birimen baılanysyn nyǵaıtýǵa septigin tıgizetin bolady», aqmolalyq delegatsııa múshesi óńirlik kásipkerler palatasynyń basshysy Qaırat Sultanov. Sonymen qatar, ol balalar týrızmin damytý qajettigine toqtaldy. Máselen, jańa jyldyq kanıkýl kezinde 2 myń bala Kókshetaý lagerlerinde demalatyn bolady.
Aıta keteıik, Botaı mádenıetin jańǵyrtý týraly jaqynda aımaq basshysy Məlik Myrzalınniń tarıh ǵalymdarynyń doktory, HH-shy ǵasyrdyń jańalyǵy-Botaı mədenıetin ashqan Vıktor Zaıbert jəne «EQUUS» kórkem kınotrılogııasynyń prodıýseri Nurbol Baımuhanovpen kezdesýinde de aıtyldy.
Kezdesýde «Qazaqstannyń kıeli jerleri» jobasy sheńberinde áriptestik máseleleri talqylanǵan edi. Osy oraıda, Aqmola oblysy ákimdigi men ǵalymdar birlesip, Býrabaıda Botaı mədenıetin jańǵyrtýdy josparlap otyr. Endi oǵan reseılik mamandar da atsalyspaq oıda.
