Botaı qonysynda «Uly dala joryǵy» halyqaralyq marafony bastaldy
PETROPAVL. KAZINFORM — Búgin V dúnıejúzilik kóshpendiler oıynynyń aıasynda ótkiziletin «Uly dala joryǵy» halyqaralyq marafon-báıgesi Lobanova aýylynan bastaý aldy. Bul jaıynda Mádenıet jáne aqparat mınıstrliginen habarlandy.
Marafon Soltústik Qazaqstandaǵy Botaı qonysynan bastalyp, Astanada aıaqtalady.
Oǵan shet memleketterden 10-ǵa jýyq sheteldik komanda jáne 9 otandyq komanda qatysty. Qatysýshylar 500 shaqyrymdy eńserýi kerek.
Atalǵan is-shara sheteldik qatysýshylarǵa kóshpeli órkenıettiń zamanaýı úlgisin kórsetýge jáne qazaq mádenıetin nasıhattaýǵa baǵyttalǵan.
«Uly dala joryǵy» jobasynyń negizgi maqsaty — umyt bola bastaǵan jylqy tuqymdaryn qaıta jańǵyrtý.
Jarysqa qarashaı, kabardın, arab, tatar, bashqurt, jańa qyrǵyz tuqymdary qatysyp jatyr.
«Uly Dala joryǵy» marafon-báıgesiniń aıasynda uıymdastyrylǵan mańyzdy is-sharanyń biri — «Botaı — Uly Dala mádenıeti» jyljymaly kórmesi. Marafon qatysýshylary, kelgen qonaqtar Botaı mádenıetimen tereń tanysyp, eneolıt zamanyndaǵy qundy tarıhı jádigerlerdi tamashalady.
Atalmysh is-sharanyń baǵdarlamasyna Botaı kórmesiniń enýi kezdeısoq emes. Osydan 44 jyl buryn arheolog-ǵalymdar sensatsııalyq jańalyq ashty.
Soltústik Qazaqstan jerinde qambar ata túligi eń alǵash qolǵa úıretilgen degen tujyrym jasady.
