«Bota» qorynyń Bilim berý granty baǵdarlamasy aıasynda 237 bala stýdent atandy
ALMATY. Qyrkúıektiń 14-i. QazAqparat /Ádilet Musahaev/ - «Bota» Qoǵamdyq qory Bilim berý granttary baǵdarlamasy aıasynda 237 bilim grantyn bóldi. Bul jaıynda búgin arnaıy ótken baspasóz máslıhatynda Qor basshylary málim etti,
dep habarlaıdy QazAqparat.
Atalmysh Qordyń atqarýshy dırektory Krıstofer Kavanonyń aıtýynsha, bólingen qarajat stýdenttiń elimizdegi kez-kelgen ýnıversıteti men kolledjine qujat tapsyrýyna múmkindik berip, oqýǵa jumsalatyn shyǵyndaryn tolyǵymen tóleýge jetkilikti. «Bizdiń Qor densaýlyq, bilim berý jáne áleýmettik qorǵaýǵa, kedeıshilikten zardap shegip otyrǵan balalar men jastardyń ómir súrý jaǵdaıyn jaqsartý maqsatynda mıllıondaǵan dollar ınvestıtsııalaýda», deıdi Qordyń atqarýshy dırektory.
Sondaı-aq Qor qarjylaı kómek kórsetý úshin «áleýmettik qyzmetterdi qoldaý», «Ana men bala» baǵdarlamalary boıynsha da jumys istep jatyr.
«Bota» qorynyń Bilim berý granttary baǵdarlamasy jónindegi ókili Aıgúl Tynyshtyqbaeva 2010-2011 oqý jylyna arnalǵan Bilim berý granttary baǵdarlamasynyń konkýrsy aǵymdaǵy jyldyń aqpan aıynan 9-shy sáýirge deıin jalǵasqanyn jáne elimizdiń búkil oblystarynan 2400-den asa ótinish túskendigin aıtady. «Bizdiń konkýrstan ótip, stýdent atanǵandardyń 209-y ózderi tańdaǵan mamandyqtary boıynsha ýnıversıtetke, al 28-i kolledjge tapsyrdy. Olardyń 49,4 paıyzy aýyldyq jerdiń balalary bolsa, 51,6-ýy qala turǵyndary», deıdi A.Tynyshtyqbaeva.
A.Tynyshtyqbaeva bul materıaldyq jaǵynan tapshylyq kórip, balalarynyń oqýlaryn tóleı almaı otyrǵan januıalardyń balalary, kóbisi jetim balalar ekendigin aıtyp ótti.
Shyǵys Qazaqstan oblysy, Úrjar aýdanynyń kóp balaly otbasynan shyqqan Maral Syzdyqova óziniń synyp jetekshisiniń nusqaýy boıynsha atalmysh Qordyń konkýrsyna qatysyp, odan sátti ótkendigin aıtady. «Alǵashqy konkýrs boıynsha qujattarymdy tapsyrdym, odan ótken soń áńgimelesý belesi arqyly baıqaýdan óttim. Qazir Abaı atyndaǵy Qazaq Ulttyq pedagogıkalyq ýnıversıtetinde jýrnalıstıka mamandyǵy boıynsha bilim alyp jatyrmyn», deıdi stýdent.
