«BOTA» qoǵamdyq qory 5-shi granttyq baıqaýyn jarııalaıdy

ASTANA. 2 mamyr. QazAqparat - «BOTA» qoǵamdyq qory Qazaqstandaǵy áleýmettik jaǵdaıy tómen jáne osal toptardaǵy balalar men jastardyń ál-aýqatyn jaqsartý salasyndaǵy jobalardy qarjylandyrýǵa baǵyttalǵan 5-shi granttyq baıqaýyn jarııalaıdy.

Baıqaýǵa qatysý týraly ótinishter 2012 jylǵy 1 mamyrdan 30 mamyrǵa deıin qabyldanady. Baıqaýǵa qatysýǵa arnalǵan qujattar jıyntyǵy men  tolyq aqparatty «BOTA» QQ-nyń www.bota.kz saıtynan tabýǵa bolady.

Usynylatyn granttar 290 myń teńgeden 7 mln. 250 myń teńgege deıin bolady. Qor jyl sońyna deıin granttyq baıqaý arqyly halyqtyń áleýmettik jaǵdaıy tómen jáne osal toptaryndaǵy balalar men jastardy qoldaýǵa shamamen 300 mln. teńge bólmek.

Aıta keteıik, 3 jyldyń ishinde «BOTA» qory jalpy somasy 942 mln. teńgeden asatyn 320 jobany qarjylandyrdy.