Bota Eleýsizova Uıǵyr aýdanyna ákim bolyp taǵaıyndaldy

Prezıdent Ákimshiliginiń kelisimi boıynsha Almaty oblysy ákiminiń ókimimen Bota Serikqyzy Eleýsizova Almaty oblysy Uıǵyr aýdanynyń ákimi qyzmetine taǵaıyndaldy, dep habarlaıdy QazAqparat tilshisi.

Bota Eleýsizova 1975 jyly 16 qańtarda Almaty oblysy Kegen aýdanynda dúnıege kelgen.

Eki joǵary bilimi bar: Memlekettik qazaq aýyl sharýashylyǵy jáne Qazaq memlekettik qyzdar pedagogıkalyq ınstıtýtyn támamdaǵan.

Ár jyldary Eńbekshiqazaq aýdany Túrgen aýyldyq okrýgi ákimi apparatynyń mamany, bas mamany, Túrgen aýyldyq okrýgi ákiminiń orynbasary, Túrgen aýyldyq okrýginiń ákimi boldy.

Kegen aýdany ákiminiń orynbasary bolyp jumys istedi.

2022 jyldan bastap Almaty oblysynyń ishki saıasat basqarmasyn basqardy.