Bostonǵa jol: «Bolashaq» tizimi taǵy bir ýnıversıtetpen tolyqty
ASTANA. KAZINFORM — Ǵylym jáne joǵary bilim mınıstriniń «Bolashaq» halyqaralyq stıpendııasyn iske asyrýdyń keıbir sharalary týraly» buıryǵyna tolyqtyrý engizildi.
Atap aıtqanda, 2024-2026 jyldarǵa arnalǵan «Bolashaq» halyqaralyq stıpendııasyn taǵaıyndaý konkýrsy jeńimpazdarynyń oqýy, tildik kýrstardan ótýi úshin usynylatyn sheteldik jetekshi joǵary oqý oryndarynyń, sheteldik uıymdardyń tizimine AQSh-tyń Boston ýnıversıteti qosyldy.
1 qazanda resmı jarııalanǵan buıryq kúntizbelik on kún ótken soń qoldanysqa engiziledi.
Buǵan deıin Ǵylym jáne joǵary bilim mınıstrligi Jas ǵalymdar taǵlymdamadan ótetin sheteldik ýnıversıtetter tizbesi keńeıtýdi josparlap otyrǵanyn jazǵan edik. Tizim ǵylymı qoǵamdastyqtyń ózekti qajettilikterin, zamanaýı tendentsııalardy jáne ǵylymdy damytýdyń basym baǵyttaryn, sondaı-aq jańa ǵylymı baǵyttar men perspektıvaly seriktes uıymdardyń paıda bolýyn eskere otyryp qalyptastyrylady.
