Bostondyq lańkes Grýzııada daıyndalǵan bolýy múmkin
ASTANA. 27 sáýir. QazAqparat - Grýzııa Úkimetiniń basshysy Bıdzına Ivanıshvılı bostondyq lańkes Tamerlan Tsarnaev teraktilerdi jasaýǵa Grýzııada tartylyp, sonda daıyndalǵandyǵyn joqqa shyǵarmady.
Bul týraly RBK málimdep otyr.
«Úkimet basshysynyń «Rýstavı2» telearnasyna bergen suhbatynda «kúdiktiniń Bostonda lańkestikti jasaýynyń Grýzııada oqýymen qandaı da bir baılanysy rasynda da bolýy múmkindigin» atap ótti. Bul rette ol áleýetti lańkesterdi tartý «shyn mánisinde» Kúngeı Kavkaz elderiniń aýmaǵynda júrgizilgenine kúmándanady», - dep kórsetilgen habarlamada.
Buǵan deıin BAQ-ta Massachýsets tehnologııalyq ınstıtýtynyń kampýsyndaǵy qaqtyǵys kezinde qaza bolǵan T. Tsarnaev Grýzııanyń arnaıy qyzmetteri amerıkalyqtarmen birlese ótkizgen semınarlarda dáris alǵany aıtyldy. Soltústik Kavkaz turǵyndaryn AQSh-tyń jáne Grýzııanyń múddesine jumys isteýge tartýmen «Kavkaz qory» uıymy aınalysqan-mys.
Eske sala keteıik, 2013 jyldyń 15 sáýirinde Bostondyq marafonnyń máre syzyǵyndaǵy jarylystar saldarynan úsh adam til tartpaı ketse, 200-den astamy jaraqattandy. Teraktini uıymdastyrýda Soltústik Kavkaz turǵyndary aǵaly-inili Tsarnaevtar kúdiktelýde.
