Bostondyq bombadan tabylǵan DNK Tsarnaevtyń áıeline tıesili emes
ASTANA. 4 mamyr. QazAqparat - 15 sáýir kúni Bostondaǵy marafon kezinde jarylǵan bombanyń qaldyqtarynan tabylǵan áıel adamnyń DNK-sy Tamerlan Tsarnaevtyń jesiri Ketrın Rasselge tıesili emes.
Bul týraly ABC News habarlady.
Aǵymdaǵy aptanyń basynda Federaldy tergeý bıýrosynyń qyzmetkerleri 24 jastaǵy Rasselden DNK úlgilerin alǵan bolatyn. Tergeýshiler bombada tabylǵan DNK lańkesterdiń kómekshisine nemese qylmyskerler jarylǵysh zattardy ázirleý úshin qosalqy bólshekterdi satyp alǵan dúkenniń satýshysyna tıesili bolýy múmkindigin aıtty.
Sondaı-aq resmı málimetter boıynsha, Tamerlan Tsarnaevtyń ólimi basyna jáne denesine atylǵan oqtardan bolǵandyǵy belgili boldy.
Ketrın Rassel Tsarnaevtyń áıeli bolý úshin ıslam dinin qabyldady. Ol teraktige qatysty máselelerdi anyqtaý úshin bılikke kómek kórsetýde.
Eske salaıyq, 15 sáýir kúni Bostonda ótip jatqan marafon kezinde eki jarylys boldy. Úsh adam qaza bolyp, 200-den astamy jaraqattandy.
