Bostondaǵy lańkestikke áıeldiń de qatysy bolýy múmkin
ASTANA. 30 sáýir. QazAqparat - Mamandar Bostondaǵy marafon kezinde jarylǵan bombalardyń biriniń jarqynshaǵynan áıeldiń DNK-syn tapty.
Bul týraly Wall Street Journal jazyp otyr. Biraq ázirge onyń kimge tıesili ekeni belgisiz. Aǵaly-inili Tsarnaevtarǵa áıel adam kómekteskendigin kesip aıtýǵa áli erte, dep habarlaıdy Ýtro.rý.
Tergeýshiler qoldan jasalǵan jarylǵysh zattaǵy DNK boıynsha birneshe boljamdy qarastyryp otyr. Genetıkalyq materıal jarylǵysh qurylǵyny daıyndaýǵa arnalǵan materıaldardy terrorısterge satqan dúkenniń qyzmetkerine tıesili bolýy yqtımal. Nemese bul jarqynshaqqa kezdeısoq túsken shash bolýy múmkin.
Dúısenbi kúni FBR agentteri Tamerlan Tsarnaevtyń jesir jubaıy Ketrın Rassel ata-anasymen birge turyp jatqan Rod-Aılenttegi úıge bas suqty.
CBS News málimetinshe, jarylǵysh zattyń qaldyqtarynan tabylǵan DNK-men salystyrý úshin Rasselden genetıkalyq materıal alyndy.
Eske sala keteıik, 15 sáýir kúni Boston marafonynyń máre syzyǵynda eki jarylys oryn aldy. Onyń saldarynan 180-nen astam adam jaraqattanyp, úsheýi ajal qushty. Tergeý barysynda tártip saqshylary kúdikti aǵaly-inili Tamerlan men Djohar Tsarnaevtardyń izderine shyqty.
