Bostondaǵy qazaqstandyq stýdentterge aıyptar taǵyldy
ASTANA. 2 mamyr. QazAqparat - Polıtseıler Bostondaǵy lańkestik isi boıynsha ustalǵandardyń esimderin atady.
Olar - Qazaqstan azamattary Azamat Tajaıaqov pen Dıas Qadyrbaev jáne amerıkalyq Robel Fılıpos. Bul týraly RBK jazyp otyr.
Massachýsets shtaty prokýrory keńsesiniń shaǵyn blogynda jazylǵandaı, qazaqstandyqtarǵa ádilettilikti ornatýǵa kedergi jasady jáne jalǵan kýálik etti degen aıyptar taǵyldy. Al tártip saqshylaryna jalǵan túsinikter bergen R. Fılıpos tek jalǵan kýálik etti dep aıyptalýda.
Aldyn ala boljamǵa sáıkes, Djohar Tsarnaevqa ishinde jarylǵysh zat pen noýtbýk bolǵan arqa qorjynynan arylýǵa ýnıversıtette bir topta oqıtyn stýdentter kómektesken.
Ázirge Qazaqstan bıligi tarapynan resmı is-áreket jasalǵan joq.
Eske sala keteıik, 2013 jyldyń 15 sáýirinde Boston marafonynda eki jarylys oryn alyp, saldarynan 3 adam ajal qushty, 200-ge jýyǵy japa shekti. Keıin polıtsııa lańkesti jasaǵan eki kúdiktiniń izine shyǵyp, olar AQSh-ta zańdy túrde turyp jatqan Soltústik Kavkazdyń týmasy aǵaly-inili Tamerlan men Djohar Tsarnaevtar bolyp shyqty. Tártip saqshylarymen qaqtyǵys barysynda T. Tsarnaev qaza boldy. Al 19 jastaǵy D. Tsarnaev kóp uzamaı qolǵa tústi. Eger onyń kinási dáleldense, ol ómir boıy abaqtyǵa toǵytylady nemese ólim jazasyna kesiledi.
