Bostondaǵy qazaqstandyq stýdentterdiń isine qatysty jańa derekter belgili boldy
ASTANA. QazAqparat - Bostondaǵy jarylysqa qatysy bar dep aıyptalǵan qazaqstandyq eki stýdent Dıas Qadyrbaev pen Azamat Tájaıaqovtyń isine qatysty jańa derekter belgili boldy.
Qorǵaýshylar sot protsesin AQSh-tyń ózge shtatyna aýystyrýdy qalap otyr. Mundaı ótinish Bostonnyń federaldy sotyna joldandy, dep habarlaıdy «Astana» telearnasynyń saıtynda.
Advokattardyń aıtýynsha, sot otyrysy belgilengen Massachýsets shtatyndaǵy aqparat quraldary Qadyrbaev pen Tájııaqovty únemi Djohar Tsarnaevpen baılanystyryp otyrǵan. Al Tsarnaev terakti jasady dep aıyptalǵany belgili. Sol sebepti alqa bıleri qos qazaqstandyqqa oń qabaq tanytpaýy yqtımal.
Tergeý nátıjesi kórsetkendeı, Qadyrbaev pen Tájııaqov Djohar Tsarnaevqa tıesili pırotehnıka men noýtbýk salynǵan dorbanyń kózin joıǵan. «Olar muny Tsarnaevtyń sýretin jańalyqtardan kórgen soń jasaǵan bolýy múmkin» degen boljam bar. Eger qazaqstandyq stýdentterdiń kináli ekendikteri dáleldense, olar 25 jylǵa deıin bas bostandyǵynan aırylýy yqtımal. Aıta keteıik, bul iske qatysty sot protsesi 30 maýsymda bastalady.
