Bostonda kólikterdiń jumysy toqtatyldy
ASTANA. 19 sáýir. QazAqparat - Massachýsets shtatynyń bıligi Bostondaǵy jarylystarǵa qatysty kúdiktini izdestirý ýaqytynda birneshe aýdandarda barsha kólik pen mekemeniń jumysyn toqtata turý sheshimin jasady, dep habarlaıdy VVS.
Polıtsııa ókiliniń habarlaýynsha, osy oraıda Bostonnyń mańyndaǵy Ýotertaýndaǵy 20 oramda izdestirý sharalary atqarylmaq.
Sonymen qatar jumaǵa qaraǵan túnde polıtsııa qyzmetine shabýyl jasalǵan Bostondaǵy aýdannyń turǵyndaryna ózderiniń úılerinen shyqpaý týraly ótinish jasaldy.
Budan buryn polıtsııa Bostondaǵy jarylystarǵa qatysty degen kúdiktilerdiń biri óltirilgenin, al ekinshisi Bostonnyń osy aýdanynda jasyrynyp júrgenin habarlaǵan edi.
