Bostonda Azamat Tájaıaqovqa qatysty iste alqa bılerdi irikteý bastaldy
ASTANA. QazAqparat - Bostonda Qazaqstannyń 20 jasar azamaty Azamat Tájaıaqovqa qatysty iste qosalqy alqa bılerdi irikteý bastaldy, dep habarlaıdy Bı-Bı-Sı.
Ol 2013 jyldyń sáýirinde Bostonda oryn alǵan terrorlyq aktini tergeýge kedergi keltirdi dep aıyptalýda. Aıyby dáleldense, Tájaıaqov 25 jylǵa deıin bas bostandyǵynan aıyrylýy múmkin. Іsti tyńdaýshy federaldy sýdıa Dýglas Výdlok negizgi quramnyń 12 alqa bıin iriktep, oǵan 6 qosalqy alqa bıdi qospaqshy. Eki jaq sotta 7 shilde kúni kezdesip, ol is eki-úsh apta qaralady. Birinshi kúni sotqa alqa bılikke úmitker 225 adam shaqyryldy. Olardyń bári sottyń uzyn-sonar saýalnamasyn toltyrdy. Búgin taǵy júzdegen kandıdat keledi. Jalpy 600 adamnyń kandıdatýrasy qaralady. Eske sala keteıik , keshe AQSh-ta Bostondaǵy lańkestik boıynsha qazaqstandyq stýdentke qatysty sot bastalǵan bolatyn.
