Boston soty qazaqstandyq stýdentpen ymyralaspaqshy bolǵan
ASTANA. QazAqparat - Dúısenbi kúni AQSh sotynyń aldynda Qazaqstan azamaty Azamat Tájaıaqov turdy. Ol Bostondaǵy jarylysqa qatysty isi boıynsha sot tóreligin shyǵarýǵa kedergi keltirdi dep aıyptalýda, dep jazady RIA «Novostı».
Assoshıeıted Press málimetteri boıynsha, sýdıa Tájaıaqovqa tergeýmen ymyraǵa kelýin usynǵan. Eger ol óz kinásin moıyndasa, jazasyn jeńildetemin dep ýáde bergen. Alaıda Azamattyń qorǵaýshysy sottyń usynysyn qabyldamady. Oǵan qosa, AQSh soty Qyrǵyzstan azamaty Haırýllojan Matanovty kepilge bosatýdan bas tartty. Ol ótken jyldyń sáýirinde Bostonda bolǵan terrorlyq aktini tergeýge qarsylyq bildergeni úshin aıyptalyp otyr. Eske sala keteıik, atalǵan oqıǵa 2013 jyldyń sáýirinde Bostonda marafon ótkizý kezinde oryn aldy. Eki jarylystyń saldarynan úsh adam qaza bolyp, 260-tan astamy jaraqat aldy. Bul iste aǵaly-inili Tsarnaevtar kúdiktelýde. Úlkeni Tamerlan polıtsııamen bolǵan atys kezinde mert boldy. Johary ustaldy, oǵan 30 pýnkt boıynsha aıyp taǵyldy. Onyń ishindegi 17-sine ólim jazasy kesiledi. Tsarnaevtan basqa, bul iske onyń eki dosy - Qazaqstan azamattary Azamat Tájaıaqov pen Dıas Qadyrbaev jáne amerıkalyq Rober Fılıppostyń qatysy bar kúdiktelip otyr.
