Boston soty Tsarnaevtyń dosyn jalǵan aqparat bergen dep aıyptady
ASTANA. QazAqparat - AQSh-ta alqa bıler soty Bostondaǵy marafon kezindegi jarylys isi boıynsha Djohar Tsarnaevtyń ýnıversıettegi dosy jalǵan aqparat bergen dep aıyptady, dep habarlady Lenta.ru.
Aıyptaý nusqasy boıynsha, 21 jastaǵy Robel Fıllıpos dostarymen birge Bostondaǵy teraktiden keıin Tsarnaev turǵan jataqhanaǵa qylmystyń aıǵaqtaryn joıý úshin barǵan. Fıllıpos jarylysty uıymdastyrdy degen kúdiktiniń bólmesine barmaǵanyn aıtsa da, keıinnen ony moıyndady.
Sonymen birge sot eki qazaqstandyqty teraktini tekserýge kedergi keltirip, aıǵaqtaryn joıǵandyǵy úshin aıypty dep tapty. Olardyń bireýi Dıas Qadyrbaev tergeýmen kelisimge keldi.
Bostondaǵy marafonda jarylys 2013 jyldyń 15 sáýirinde boldy. Terakt saldarynan úsh adam qaza taýyp, 250-den astam adam jaraqattandy. Jarylysty uıymdastyrdy dep aǵaıyndy Tsarnaevtar aıyptaldy. Tamerlan Tsarnaev ony ustaý kezinde qaza boldy. Djohar Tsarnaevty 2014 jyldyń qarashasyna arnalǵan sot kútip tur. Oǵan taǵylǵan aıyptar boıynsha ony ólim jazasy kútip tur.
