Boston mýzeıi urlanǵan eksponat týraly málimet bergen adamǵa 100 myń dollar tólemek
ASTANA. QazAqparat - Bostondaǵy Izabella Stıýart Gardner mýzeıi urlanǵan eksponattardyń birin qaıtarýǵa kómektesetin aqparat úshin 100 myń dollar tóleýge daıyn.
Bul týraly habarlama murajaıdyń resmı saıtynda jarııalanǵan. Onyń avtorlary qoldy bolǵan zat týraly qajetti málimetterdi usynatyn adamnyń esimin qupııa ustaýǵa ýáde beredi.
Másele napoleondyq leıb-gvardııa shtandartynyń joǵary jaǵyndaǵy bıiktigi 25 santımetrge jýyq búrkittiń qola músini týraly bolyp otyr. Ol 1813-1814 jyldary jasalǵan.
Murajaıda túsindirip ótkendeı, eksponat 1990 jyldyń 18 naýryzynda urlanǵan. Boston polıtsııasy ofıtserleriniń kıimin kıgen belgisiz eki adam mýzeıge kirip, dabyl júıesine qosylmaǵan 13 óner týyndysyn alyp ketken. Sonyń ishinde 12-si - Rembrandt, Edýard Mane, ıAn Vermeer jáne Edgar Deg sııaqty sýretshilerdiń kórkem týyndylary. Olardy izdeý jumystary jalǵastyrylýda.
