Boston marafonyndaǵy lańkestik áreket kezinde bir aıaǵynan aıyrylǵan sportshy odan taǵy júgirip ótti
ASTANA. QazAqparat - 2013 jyly Boston marafonynda jasalǵan lańkestik áreketinen keıin múgedek bolyp qalǵan Rebekka Gregorı bıyl marafonǵa qaıta oralyp, birneshe shaqyrym júgirip ótti, dep habarlaıdy ABC News.
«Men osyny óz-ózime ótken jyldaǵydaı múgedek arbasynda otyrmaı, odan aldyńǵy jyly asfalt tóselgen kóshede ómir men ólimniń arasynda jatpaı, máre syzyǵynan ózim óte alatynymdy dáleldeý úshin jasadym», - dedi Gregorı.
Dárigerler Boston marafony kezinde kúrdeli jaraqattar alǵan Rebekka Gregorıdiń aıaǵyn kesýge májbúr boldy. 2013 jyly bolǵan jarylystan keıin 16 adamnyń aıaq-qoldary kesilgeni atap ótiledi.
Buǵan deıin 119-shy Boston marafonynda Kenııa sportshysy Karolın Rotıch pen efıopııalyq Lelısa Desısa jeńiske jetkeni týraly habarlanǵan bolatyn.
