Boston marafonynyń jeńimpazy ıÝkı Kavaýchı Almatyda ótetin jarysqa qatysady
ASTANA. KAZINFORM – 2018 jylǵy Boston marafonynyń jeńimpazy, japondyq ıÝkı Kavaýchı qyrkúıektiń sońynda Qazaqstanǵa alǵash ret kelip, Almaty Marathon jarysyna qatysady, dep habarlaıdy Almaty qalasynyń ákimdigi.
Belgili marafonshy almatylyqtardy Qala kúnimen quttyqtap, mereıtoılyq 15-shi Almaty Marathon jarysynda baq synaıtynyn aıtty.
– Barshańyzdy Almaty qalasynyń kúnimen shyn júrekten quttyqtaımyn! Osy tamasha qalanyń odan ári damyp, órkendeı berýine, al turǵyndaryna zor densaýlyq pen baqyt tileımin. Jaqynda Almatyǵa baramyn. Mereıtoılyq 15-shi Almaty Marathon jarysyna alǵash ret qatysamyn jáne osyndaı múmkindik týǵanyna óte qýanyshtymyn. Almatyda sizdermen kezdesýdi asyǵa kútemin, – dedi ıÝkı Kavaýchı.
ıÝkı Kavaýchı 2018 jyly Boston marafonynda jeńiske jetkennen keıin álemge keńinen tanyldy. Ol sporttyq mansabynyń edáýir bóliginde jattyǵý men halyqaralyq jarystarǵa qatysýdy memlekettik qyzmettegi jumysymen qatar alyp júrgen. Osy ereksheligi úshin Japonııada oǵan «áýesqoı júgirýshi» degen laqap at berilgen.
Almatydaǵy jarys Kavaýchı úshin Ortalyq Azııadaǵy alǵashqy báseke bolmaq.
27 qyrkúıekte ótetin Almaty Marathon-ǵa bıyl 60-tan astam elden 16 myń adam qatysady. Baǵdarlamada 42,2 km, 21,1 km jáne 10 km qashyqtyqtar, 10 km skandınavııalyq júris pen Ekıden komandalyq estafetasy bar.
Mereıtoılyq jarysqa oraı barlyq qashyqtyqtyń baǵyty jańartylǵan. 42,2 shaqyrymdyq marafon baǵyty alǵash ret bir aınalymnan turady. Onyń ekinshi bóligi Almatynyń ortalyq kósheleri men tarıhı bóligin qamtıdy.
Almaty Marathon AIMS halyqaralyq kúntizbesine engizilgen, al jarys baǵyttary World Athletics standarttaryna sáıkes sertıfıkattalǵan.
Aıta keteıik, Qytaıdaǵy qandasymyz Úrimji marafonynyń chempıony atandy.
