Bostandyq aýdandyq sotynyń tóraǵasy ne úshin ustaldy – agenttik mán-jaıdy túsindirdi
«Almaty qalasynyń sybaılas jemqorlyqqa qarsy is-qımyl qyzmeti QR Joǵarǵy sotynyń Іshki qaýipsizdik jáne sottardaǵy sybaılas jemqorlyqtyń aldyn alý bólimimen birlesip, Almaty qalasy Bostandyq aýdanynyń sotynyń tóraǵasyn para aldy degen kúdikpen ustady. Ol deldal, ıaǵnı sot otyrysynyń hatshysy arqyly boryshker azamattyń Qazaqstan Respýblıkasynan tys jerge shyǵýǵa sanktsııa bergeni úshin aıtarlyqtaı mólsherde para aldy degen kúdikke ilingen», - dedi Danııar Bekaıdarov agenttikte ótken baspasóz máslıhatynda.
Onyń aıtýynsha, keshe ǵana, ıaǵnı 22 qańtarda qylmystyq qýdalaýda artyqshylyqtary bar sýdıaǵa qatysty Bas prokýratýradan sotqa deıingi tergep-tekserýdi jalǵastyrýǵa kelisim alynǵan. Qazir qylmystyq is tergelip jatyr. Kúdiktige qatysty túpkilikti sheshimdi sot qabyldaıdy.