Bosnııalyq erli-zaıyptylar ózderiniń jerleý rásimine qatysty
ASTANA. QazAqparat - Bosnııada otbasylyq jup aldyn ala ózderiniń jerleý rásimin uıymdastyryp, oǵan ózderi qatysty. Bul týraly Associated Press habarlady.
61 jastaǵy Dragan men 65 jastaǵy Dragıtsa Marıch túsindirgendeı, ózderin jerleıtin balalary bolmaǵandyqtan, ony ózderi uıymdastyrmaqshy bolyp sheshken. Bir jaǵynan as berý rásiminde olar dostaryn, týystaryn kórip, arqa-jarqa bolyp qaldy. Poezdına aýylyndaǵy zıratta ótken rásimge barlyǵy 200-deı adam kelgen.
Jerleý rásiminde Dragan uzaq jyldar áıelimen baqytty ómir keshkenin aıtty, odan keıin jınalǵan jurt jaqyn jerdegi meıramhanaǵa baryp, túni boıy án aıtyp, bı bılep, kóńil kóterdi.
