Bosnııalyq asqazanyndaǵy qaıshymen toǵyz jyl ómir súrdi
ASTANA. QazAqparat - Bosnııa men Gertsegovınanyń azamaty otadan keıin onyń asqazanynda qaıshyny umytyp ketken dárigerlerdi sotqa berdi.
Alen Papach asqazany qatty aýyrǵannan keıin rentgenge túsken kezde aǵzasynda bóten zattyń baryn bilgen. Atap aıtqanda, qaıshy er azamattyń denesinde toǵyz jyl boıy bolǵan. Qaıshyny alyp tastaý boıynsha ota eki jyl buryn jasalǵan eken, alaıda osy ýaqyt ishinde zardap shegýshi dárigerlerdiń qateliginen aýrýhanadan ótemaqyny tólete almaı kelgen. Endi ol medıtsınalyq mekememen sottasýǵa bel býyp otyr.
38 jasar Papachtyń aıtýynsha, 2003 jyly asqazannyń oıyq jarasyna jasalǵan otadan keıin, ol janǵa batatyn aýrý ustamalarynan zardap shekken.
Budan keıin ol tekserilgen kezde, dárigerler asqazandaǵy 12 santımetrlik qaıshyny anyqtady. Osydan soń aǵzadaǵy bóten zatty alyp tastaý boıynsha operatsııa jasaldy.
Alaıda, bundaı dárigerlik qatelikke jol berilýine qaramastan, aýrýhana basshylyǵy Papachqa materıaldyq ótemaqy tóleýden bas tartqan kórinedi, dep jazady sheteldik BAQ.
