Bosnııada el Úkimetiniń otstavkasyn talap etkenderdiń qarasy qalyńdady
ASTANA. QazAqparat - Bosnııalyq Týzlede narazylyq aktsııasyna qatysqandar jappaı tártipsizdik ornatyp, jergilikti ákimshiliktiń ǵımaratyn órtep jiberdi.
Olar el boıynsha sheneýnikterdiń jalaqysyn ortasha deńgeıge deıin tómendetýdi jáne jańa Úkimetti qalyptastyrýdy talap etýde. Narazylyq tobynyń paıymynsha, Úkimet quramynda kásibı saıasatkerler emes, kerisinshe kásibı ekonomıster bolýy shart.
Qazirgi kezde Bosnııa men Gertsegovına Úkimeti partııalyq jáne etnıkalyq shıelenistiń saldarynan ekige bólinip otyr.
Atap aıtqanda, juma kúni Týzledegi jappaı narazylyq aktsııasy polıtsııamen qaqtyǵysqa ulasty. Endi Úkimetke qarsy aktsııa eldiń ózge de qalalarynda oryn alyp otyr.
Narazylyqqa qatysýshylar el Úkimetin jemqorlyq jáne jumyssyzdyq problemasyn sheshýge qaýqarsyz dep aıyptaýda.
Olar polıtsııa qyzmetkerlerine tas jáne qoldaryna ilikken zattardy laqtyrdy. Buǵan jaýap retinde polıtsııa qyzmetkerleri kózdi jasaýratatyn gaz, rezeńke oq jáne sýatqyshtar qoldandy.
