Bosnııa jáne Gertsegovınada qoqys araly taǵy da taý ózenin bógep qaldy
ASTANA. KAZINFORM — Drına ózeniniń ızýmrýd tústi sý beti plastık bótelkelermen, jıhaz synyqtarymen, qurylys materıaldarymen, tot basqan bóshkelermen, turmystyq tehnıkanyń qaldyqtarymen jáne tipti janýarlardyń ólekselerimen tolyǵymen jabylyp qalǵan, dep habarlaıdy DW.
Jergilikti belsendilerdiń málimetinshe, qaldyqtardyń arasynda medıtsınalyq qoqys ta bar.
Bul óńir úshin másele jańalyq emes. Ár qysta aımaqta tasyp jatqan ózen ákelgen qoqys aǵys boıymen tómen qaraı jyljyp, Vıshegrad qalasyndaǵy sý elektr stantsııasy ornatqan bógetterdiń mańyna jınalady. Sonyń saldarynan alyp júzbeli qoqys araldary paıda bolady.
— Bul — saıası erik-jigerdiń joqtyǵy men jaýapty barlyq ınstıtýttyń áreketsizdiginiń aıqyn kórinisi. Olar jyl saıyn jınalyp, ýáde beredi. Biraq kórip otyrǵanymyzdaı, mundaı kórinister qaıta-qaıta qaıtalanyp jatyr. Bul — ekologııalyq apat. Drına balyqqa baı ózen, munda qandaı ýly zattar bólinip jatqanyn elestetýge bolady, — dedi Euronews telearnasyna Eko Centar ekologııalyq uıymynyń ókili Deıan Fýrtýla.
Aıta ketelik