Bosnııa jáne Gertsegovınada saılaý ótip jatyr
ASTANA. QazAqparat - Búgin Bosnııa jáne Gertsegovınada saılaý ótip jatyr, dep jazady sheteldik BAQ.
Eldegi atqarýshy bıliktiń joǵarǵy organdaryna basshylar saılanyp, olar bosnııalyq musylmandardyń, serb jáne horvattardyń múddelerin qorǵaýǵa atsalyspaq. Sondaı-aq, osy naýqan kezinde Serb Respýblıkasynyń prezıdenti men vıtse-prezıdenti saılanbaq.
Ortalyq saılaý komıtetiniń málimetinshe, atalǵan dodada 50 saıası partııa, 24 koalıtsııa men 20 táýelsiz úmitker baq synaıdy. Olar saılaý aldynda bir aı boıy júrgizgen úgit-nasıhat jumystary kezinde birin-biri eldegi jemqorlyq pen qylmystyń órshýine aıypty dep kinálaǵan.
Bosnııa jáne Gertsegovınadaǵy ultaralyq shıelenistiń kesirinen bolǵan 90-jyldardaǵy soǵystyń aýyr saldarynan ol osy kezge deıin Eýropadaǵy eń kedeı eldiń qatarynda keledi.
