Bosnııa turǵyny Mekkege qajylyq saparǵa 10 aı jaıaý júrip bardy
ASTANA. 28 qazan. QazAqparat - Bosnııa turǵyny qajylyq boryshyn atqarý úshin Mekkege deıin 5,5 myń shaqyrym joldy jaıaý ótip shyqqan. Joldaǵy ýaqyt - 10 aıdy qurady, dep habarlady RBK.
Saýd Arabııasyna jetý úshin er adam búginde qarýly qaqtyǵystan kóz ashpaı otyrǵan Sırııa aýmaǵyn basyp ótken. Sırııaǵa kirýge ruqsat vızasyn alý úshin 47 jasar Senad Hadjıch shekarada bir táýlik boıy kútip turǵan.
Barlyǵy Senad Hadjıch jeti memleket aýmaǵyn: Bosnııa, Serbııa, Bolgarııa, Túrkııa, Sırııa, Iordanııa jáne Saýd Arabııasyn basyp ótken. Ol ótken jyldyń jeltoqsan aıynda úıinen shyǵyp, talaı qıyndyqtardy basynan keshirgen. Hadjıch ózimen birge 200 eýro aqsha alyp shyqqan. Negizinen meshitterde, saıabaqta nemese kóshede túnep kelgen.
«Eger meni Allanyń qoldap otyrǵanyna senbegen bolsam, Mekke túgili Bolgarııaǵa da jetpes edim. Aqshasyz, 20 kelilik sómkemdi arqalap, jeti el, eki shóleıt, 5560 shaqyrymdy artqa tastadym», - dedi Hadjıch.
