Bosnııa men Gertsegovınada búlik bastaldy
ASTANA. QazAqparat - Bosnııa men Gertsegovınada kóshe qaqtyǵysynan 200 adam japa shekti. Úkimetke qarsy aktsııa eldiń 20 qalasynda oryn alyp otyr, dep habarlaıdy sheteldik BAQ.
Saraevoda kóshege myńdaǵan adam shyǵyp, olar polıtsııa qyzmetkerlerine tas jáne qoldaryna ilikken zattardy laqtyrdy. Sonymen birge Prezıdent saraıyna, avtokólikterge jáne qala ortalyǵyndaǵy úılerge órt qoıdy. Buǵan jaýap retinde polıtseı qyzmetkerleri kózdi jasaýratatyn gaz, rezeńke oq jáne sýatqyshtar qoldandy.
Eldegi narazylyq birneshe kúnge sozylýda. Qarsylyq bildirýshiler el úkimetiniń ekonomıkalyq saıasatyna ókpeleri «qara qazandaı». Ásirese, qoǵam narazylyǵyn halyqtyń basym kópshiligi jumys isteıtin memlekettik zaýyttardyń jabylýy týyndatty.
