Bosnııa men Gertsegovına - Qazaqstan oıyny tikeleı efırde kórsetiledi
NUR-SULTAN. QazAqparat - Fýtboldan 2022 jylǵy Álem chempıonatynyń irikteý kezeńi aıasyndaǵy Bosnııa jáne Gertsegovına men Qazaqstan kezdesýi búgin Zenıtsa qalasynda ótedi.
D tobynda synǵa túsetin komandalar 2 upaıdan jınap, 4-5 oryndarda keledi, dep habarlaıdy QazAqparat tilshisi.
60 gol soǵyp, Bosnııa jáne Gertsegovına quramasynyń tarıhynda úzdik surmergen atanǵan mılandyq «Interdiń» shabýylshysy Edın Djeko Qazaqstanǵa qarsy alǵashqy mınýttardan alańǵa shyqpaq.
Qazaqstan quramasynan qorǵaýshylar Rýslan Valıýllın men Marat Bystrov, shabýylshy Abat Aıymbetov jaraqatyna baılanysty búgin alańǵa shyqpaýy múmkin. Qurama kapıtany Azat Nurǵalıev pen «Qaırattyń» qorǵaýshysy Nuraly Álip vıza ala almaǵandyqtan oıynǵa qatyspaıdy.
Bosnııa jáne Gertsegovına - Qazaqstan oıynyn «Qazaqstan» jáne «Qazsport» telearnalary tikeleı efırde kórsetedi. Translıatsııa Nur-Sultan ýaqytymen saǵat 00:35-te bastalady.
«Qazaqstan» telearnasyndaǵy matchty kommentatorlar Ersin Erik pen Dáýlet Seıitbekov, «Qazsport» efırindegi reportajdy Ýálıhan Qosanbaı men Dmıtrıı Nesterenko júrgizedi.
Onlaın translıatsııany qazaqstan.tv jáne qazsporttv.kz resmı saıttary men «Qazaqstan.tv» mobıldi qosymshasynan kórý múmkindigi bar.
