Bosqynnyń jol júrý kýáligin rásimdeý HQKO-ǵa berilmek
«Taǵy bir jańa qyzmet - bosqynnyń jol júrý kýáligin berý. Bastapqy kezeńde bul kýálikter kóshi-qon qyzmeti basqarmalarynda beriletin bolady. Aqparattyq júıeler pysyqtalǵannan keıin, bul sharalardy halyqqa qyzmet kórsetý ortalyqtaryna ótkizýdi josparlap otyrmyz. Biz memlekettik qyzmetterdi ońtaılandyrý jumysyn udaıy júrgizemiz, olardy azamattardyń alýy úshin barynsha yńǵaıly etýdemiz», - dedi G. Sársenbaeva Ortalyq kommýnıkatsııalar qyzmetinde.
Budan bólek ol qujattandyrý jáne tirkeý máselelerine asa nazar aýdarylyp otyrǵandyǵyn atap ótti. Sebebi árbir azamat bul qyzmetterdi alý úshin júginedi.
«Sońǵy jyldary biz bul protsesterdi barynsha jeńildettik. Qazirgi kezde qujattardy berý merzimi 15 kúnge deıin qysqardy. Bul úshin qujattardy daıyndaıtyn jańa ortalyqtar ashyldy. Olar qazir tórteý, ıaǵnı Astanada, Shymkentte, Aqtóbede, Almatyda. Bul jumystar qujattardy jetkizý merzimin qysqartýǵa múmkindik berdi», - dedi ol.
