Bosqyndar Ulybrıtanııaǵa La-Mansh buǵazy arqyly aǵylýda
ASTANA. QazAqparat - Frantsııadan Ulybrıtanııaǵa bet alǵan bosqyndar Koroldikke jetýdiń taǵy jańa jolyn tapty. La-Mansh buǵazyn júzip ótip, Brıtanııaǵa jetpek bolǵandardyń sany kún sanap artyp barady. Bul týraly 24.kz telearnasy habarlady.
Sky News basylymynyń jazýyna qaraǵanda, oǵan eki el arasyn jalǵaıtyn eýrotýnnel men porttardaǵy kúzettiń kúsheıýi sebep bolǵan. Alaıda Koroldik basshylary zańsyz bosqyndardyń nópirin toqtatý úshin qosymsha qarjy bólip, La-Mansh buǵazyndaǵy shekara baqylaýyn barynsha kúsheıtýge nıetti.
«La-Mansh buǵazyn Jerorta teńizimen salystyrýǵa bolmaıdy. Munda aýa raıy qubylmaly ári óte qaýipti. Sýy da salqyn. Eger bosqyndar mingen qaıyq aýdarylyp qalsa, adamdardyń aman qalýy eki talaı», dep alańdaıdy Aımaqtyq teńizdi baqylaý qyzmetiniń ókili Jerom Peres.
