«Bosqyndar týraly» qabyldanǵan zań Qazaqstandaǵy bosqyndardyń quqyn qorǵaýǵa járdemdesedi - S. Azam
ASTANA. Naýryzdyń 18-i. QazAqparat /Qanat Mámetqazyuly/ - Búgin QR Parlamenti Májilisi Tóraǵasynyń orynbasary Jánibek Káribjanov Birikken Ulttar Uıymynyń Ortalyq Azııadaǵy bosqyndar isi máselesi boıynsha Bas komıssary basqarmasy Ókildiginiń basshysy Saber Azam myrzamen kezdesti,
dep habarlaıdy QazAqparat.
Júzdesý barysynda J. Káribjanov mártebeli meıman S. Azam myrzany jańa qyzmetke taǵaıyndalýymen quttyqtady. Sonymen birge, Tóraǵa orynbasary áńgime arasynda bosqyndar isi máselesi Qazaqstan saıasatynyń basym baǵyttarynyń biri ekendigin jetkizdi. Onyń aıtýynsha, byltyrǵy jyly qabyldanǵan «Bosqyndar týraly» zańnyń jobasyn ázirleýge BUU Bosqyndar isi komıssııasynyń ókilderi atsalysyp, olardyń biraz usynystary qabyldanǵan. Sonymen birge, vıtse-spıker BUU Ortalyq Azııadaǵy bosqyndar isi máselesi boıynsha Bas komıssary basqarmasyna Qazaqstandaǵy jumysyna sáttilikter tiledi.
Óz kezeginde, S. Azam myrza Qazaqstandaǵy alǵashqy kezdesýiniń Májilisten bastalǵanyna rızashylyq bildirip, aldaǵy ýaqytta Parlamentpen tyǵyz baılanysta bolatyndyǵyna sendirdi. Onyń sózine qaraǵanda, aǵymdaǵy jyldyń qazan aıynda Bishkek qalasynda aralas bosqyndar máselesine qatysty konferentsııa josparlanýda. «Qazaqstan qabyldaǵan «Bosqyndar týraly» zań bosqyndardyń osy eldegi quqynyń qorǵalýyna jaǵymdy serpin beredi dep oılaımyn. Jalpy bul zań Bosqyndar isi jónindegi bas komıssar Antonıo Gýterrısh pen QR Prezıdenti Nursultan Nazarbaevtyń ekijaqty kelisimderiniń nátıjeli jemisi», dedi S. Azam myrza.
