Bosqyndar lagerindegi qaqtyǵys kezinde 9 adam tirideı janyp ketti
ASTANA. QazAqparat - Bangladesh astanasy Bakkada bıharı bosqyndarǵa arnalǵan lagerdegi qaqtyǵystardyń saldarynan 9 adam, onyń ishinde 3 bala tirideı janyp ketti.
Bul jaıynda sheteldik BAQ jergilikti polıtsııa ókiline silteme jasap habarlady.
«Qaqtyǵystar kezinde oq astynda qalǵan birneshe úıde keminde 9 bıharılik tirideı órtenip ketti», - dedi ol.
Sonymen qatar onyń alǵa tartqan derekterine qaraǵanda, keminde 30 adam jaraqattanǵan.
Aıta keteıik, bıharıler - Bangladeshte turyp jatqan shyqqan tegi bengaldyq emes adamdar. Olardyń basym bóliginiń ulty bıharılik. Degenmen, Bangladeshte shyqqan tegi úndistandyqtardy jáne musylmandardy da bıharı dep ataı beredi. 1971 jyly Bangladesh táýelsizdigin alǵannan keıin bıharıler jańa memlekettiń azamattyǵyn alýdan bas tartqan bolatyn.
