Bosqyndar quramasy 2016 jylǵy Olımpıada oıyndaryna qatysady
ASTANA. QazAqparat - Bosqyndar quramasy 2016 jyly Brazılııada Rıo-de-Janeıroda ótetin Olımpıada oıyndaryna qatysady. Bul týraly Halyqaralyq olımpıada komıtetiniń basshysy (HOK) Tomas Bah málimdedi.
- HOK Rıodadaǵy Olımpıadaǵa bosqyndar arasyndaǵy sportshylardy shaqyrý máselesin sheshti.
Olar olımpıadalyq qalashyqta turatyn bolady jáne ózge sportshylarmen birdeı básekelerge qatysady. Osylaısha biz álem jurtshylyǵynyń nazaryn bosqyndar máselesine aýdarǵymyz keledi,-dep túsindirdi Bah.
Sondaı-aq Grekııada tutandyrylǵan Olımpıada alaýyn Afınydaǵy bosqyndar lageri arqyly alyp ótedi. Onyń ústine alaý ustaýshy osy lagerde turatyndardyń biri bolmaq, dep jazady lifenews.ru.
Eske sala ketsek, Rıo-de-Janeıro Olımpıadasy 2016 jyldyń 5-21 tamyzy aralyǵynda ótedi.
Foto: Reuters/Ricardo Moraes
