Bosqyndar kóshi Eýropany tyǵyryqqa tireýde
ASTANA. QazAqparat - Afrıka men Taıaý Shyǵystan shyqqan bosqyndar Eýropany tyǵyryqqa tireýde, dep habarlady www.24.kz.
Bul týraly Eýropalyq komıssııanyń tóraǵasy Jan-Klod ıÝnker Strasbýrgte ótken parlament sessııasynda málimdedi.
Onyń aıtýynsha, mundaı kelimsekter kóshi Ekinshi dúnıejúzilik soǵys kezinen bolmaǵan. Búginge deıin kámeletke tolmaǵan 10 myńǵa jýyq bosqyn joǵalyp ketti. Olarǵa bólinetin gýmanıtarlyq kómek te qazirgi ýaqytta mardymsyz. Jıynǵa qatysýshylar mıgranttardy qadaǵalaý sharalaryn kúsheıtý qajet ekenine basa nazar aýdardy.
«Bosqyndar kóshi tolastar emes. Máseleni birlese sheshpesek, odan saıyn ýshyǵa túsýi múmkin. Kelimsekterge kómek kórsetý mindetin alǵan elderdi ózderine júktelgen jumysty jaýapkershilikpen atqarýǵa shaqyramyn», - dedi Eýropalyq komıssııanyń tóraǵasy Jan-Klod ıÝnker.
