Bosfordan denesi tabylǵan er adamnyń kim ekeni anyqtaldy

ASTANA. KAZINFORM – DNQ caraptamasy Bosfordan tabylǵan er adamnyń denesi reseılik sportshy Nıkolaı Svechnıkovke tıesili ekenin rastady, dep habarlaıdy Kazinform menshikti tilshisi.

Ystanbulda Kýrýcheshme jaǵalaýyndaǵy Bosfor sýlarynda denesi tabylǵan er adamdy anyqtaý protsedýrasy aıaqtaldy.

Sot medıtsınasy ınstıtýtynyń málimetinshe, DNQ-taldaý qaza bolǵan er adam 30 jastaǵy reseılik júzýshi Nıkolaı Svechnıkov ekenin anyqtady.

Eske salaıyq, 24 tamyz kúni Ystanbulda ótken qurlyqaralyq júzý jarysynda 29 jastaǵy reseılik Nıkolaı Svechnıkov joǵalyp ketti. Ol jyl saıyn ótetin «Bosfor 2025» sporttyq sharasyna qatysyp, máre syzyǵyna jete almaǵan.

Keıinirek onyń otbasy jarys uıymdastyrýshylaryna qarsy sotqa aryz daıyndap jatqany habarlandy.

Kóp uzamaı ol joǵalyp ketti dep habarlandy. Birneshe aı boıy izdeýge qaramastan júzýshi tabylmady.

Buǵan deıin Ystanbuldyń Bosforynan júzý kıimin kıgen belgisiz er adamnyń denesi tabylǵanyn jazdyq.