Bosfor men Dardanella arqyly ótý úshin tarıfter 1 shildeden bastap ósedi

ASTANA. KAZINFORM – Túrkııa bıylǵy jyldyń shildesinen bastap, kemelerdiń strategııalyq mańyzdy Bosfor men Dardanella buǵazdary arqyly ótýi úshin alynatyn tarıf kólemin ósiredi, dep habarlaıdy Kazinform menshikti tilshisi.

Túrkııanyń Kólik jáne ınfraqurylym mınıstri Abdıýlkadır Ýraloglýdyń habarlaýynsha, buǵazdardan ótý aldyndaǵy jylmen salystyrǵanda 15% ósip, tonnasy $5,83 bolady.

Bul Túrkııa prezıdenti jarlyǵymen iske qosylǵan tarıf saıasatyn keze-kezeńmen qaraý jónindegi sharanyń tórtinshi kezeńi bolady. Mınıstr sonymen qatar reforma bastalǵaly kemelerdiń ótýi úshin alynatyn tarıf kólemi 7,2 ese artqanyn málim etti. 2022 jylǵa deıin tarıf 39 jyl boıy ózgermeı turǵan – tonnasyna $0,80.

Ýraloglýdyń sózinshe, tarıfterden túsken qarjy jaǵalaý jáne qutqarý qyzmetterin qarjylandyrý men buǵazdyń akvatorııasyn medıtsınalyq qoldaý sharalaryna jumsalady. Tólemdi qaıta qaraý bılik ókilderiniń pikirinshe, Túrkııaǵa buǵazdardyń geostrategııalyq mańyzy men olardy qaýipsiz paıdalanýǵa ketetin shyǵyndy ádil baǵalaýǵa múmkindik beredi.

Bosfor men Dardanella Qara teńiz ben Jerorta teńizin jalǵaı otyryp, munaı, astyq pen óńir arqyly tasymaldanatyn ózge de taýarlardyń tasymaly úshin mańyzdy jáne halyqaralyq teńiz saýdasynda sheshýshi ról atqarady.

Osyǵan deıin Túrkııa halqynyń qaryzy 4,4 trln lıraǵa jetip, tarıhı shekke shyqqany týraly jazdyq.