Bosfor kınofestıvalinde ırandyq rejısserdiń fılmi 3 nomınatsııada jeńimpaz atandy
ASTANA. QazAqparat - Ystanbulda ótken V Halyqaralyq Bosfor kınofestıvali jeńimpazdardy marapattaý saltanatymen aıaqtaldy, dep habarlaıdy Anadoly agenttigi .
Qazylar alqasy ırandyq rejısser Parvız Shahbazıdiń «Malıarııa» fılmin: «Úzdik stsenarıı», «Úzdik tolyqmetrajdy fılm» jáne «Úzdik áıel róli» nomınatsııalary boıynsha jeńimpaz dep jarııalady.
Al rejısser Glaýko Fırponyń «Vıntovka» atty fılmi «Úzdik rejısser» marapatyna laıyq dep tabyldy.
Aktrısa Sagar Ganaat «Malıarııa» fılmindegi oryndaǵan róli úshin «Úzdik áıel róli» syılyǵyna ıe boldy. «Úzdik er adam» róli «Bulttardyń arǵy jaǵynda» fılminde oınaǵan Ishaan Hattarǵa buıyrdy.
Aıta ketsek, festıval baǵdarlamasyna jalpy alǵanda álemniń 36 elinen 150 kartına endi.
