Bosfor buǵazynda keme qozǵalysy toqtatyldy
ASTANA. QazAqparat - Qurǵaq júk tasıtyn keme men jaǵalaý kúzetiniń kemesi soqtyǵysýy saldarynan Bosfor buǵazy boıynsha keme qozǵalysy ýaqytsha toqtatyldy.
Bul týraly sársenbide GAC operatory óz saıtynda habarlady.
«Búgin, 17 tamyzda jergilikti ýaqyt 8.40-ta qurǵaq júk tasıtyn keme men jaǵalaý kúzetiniń kemesi soqtyǵysýy saldarynan Bosfor buǵazy boıynsha qozǵalys ýaqytsha toqtatylady», - delingen habarlamada.
Jaǵalaý kúzetiniń kemesi oqıǵa saldarynan aýdarylyp ketti. Zardap shekkender jaıly aqparat joq, dep habarlaıdy TASS.
