Bos jumys oryndarynyń jármeńkesi qalalyq avtovokzal ǵımaratynda ótedi - Astana
Bul joly bir ózgesheligi - is-shara qalalyq «Saparjaı» avtovokzal ǵımaratynda uıymdastyrylýda, dep habarlady Astana qalasynyń resmı saıty.
«Jármeńkeniń avto jáne temir jol vokzaldary aýmaǵynda ótkizilý maqsaty osy mańdaǵy ózin-ózi jumyspen qamtyp júrgen azamattardy (páterlerin jalǵa berýshiler men taksı júrgizýshileri, júkshiler, taǵy basqa adamdar) jumyspen qamtý baǵdarlamasyna belsendi qatysýǵa tartý bolyp tabylady», - dep túsindiredi basqarmadan.
Uıymdastyrýshylar mundaı is-shara aldaǵy ýaqytta oqýyn jalǵastyrýdy kózdeıtin mektep bitirýshiler úshin de paıdaly bolady dep sanaıdy.
Jármeńkede Jumyspen qamtý jáne áleýmettik baǵdarlamalar basqarmasy mamandary azamattarǵa jumysqa ornalasýǵa baılanysty keńester berip, qaıta oqytý, jańa mamandyq alý múmkindikteri týraly, sondaı-aq, mektep bitirýshilerge jastar tájirıbesinen ótýdiń joldaryn áńgimeleıdi.
Sonymen qatar, qalanyń Baqylaý jáne áleýmettik qorǵaý departamentiniń qyzmetkerleri de azamattarǵa qaýipsizdik pen eńbek qorǵaý, áleýmettik saqtandyrý men halyqty áleýmettik qorǵaý máseleleri boıynsha keńester beredi.
Bos jumys orny jármeńkesi jumysyn 31 mamyrda 10.00-de qalalyq avtovokzal ǵımaratynda bastaıdy.