«Bos jumys oryndary jármeńkesinde» 31 mekemeden 85 turaqty jumys orny usynyldy - Qyzylorda

  QYZYLORDA. QazAqparat - Qyzylordadaǵy A.Toqmaǵambetov atyndaǵy qalalyq mádenıet úıinde "Jastar resýrstyq ortalyǵy" KMM, qalalyq jumyspen qamtý jáne áleýmettik baǵdarlamalar bóliminiń uıymdastyrýymen "Bos jumys oryndarynyń" jármeńkesi ótti.

 Bul týraly QazAqparat HAA tilshisi habarlady.

Jármeńkege 31 mekemeden 85 turaqty jumys orny, 14 mekemeden 35 áleýmettik jumys oryndary usynyldy. Qatysýshylarǵa túıindeme toltyrý buryshy men psıholog mamandar qyzmet kórsetip, jastar eńbek jasaqtarynyń qyzmetteri túsindirilip, jumys izdeýshilerge jumyspen qamtý baǵytyndaǵy baǵdarlamalar týraly aqparat berildi.