Bos jer telimderi týraly aqparatty alýǵa arnalǵan júıe qurylmaq
"Biz "Tsıfrlyq partııa" jobasyn iske asyrýdy bastadyq. Bul sharalar sońǵy jyldary jasalǵan ázirlemeler bazasynda iske qosylýda. Onyń maqsaty - partııanyń barsha qyzmetin tsıfrlandyrý. Tsıfrlyq partııa 11 qosymsha júıeni qamtıdy, bul rette partııanyń barsha negizgi baǵyttary eskeriledi. Sonymen qatar shaǵyn jáne orta bıznesti qoldaý boıynsha birneshe jańa jobalardy daıarladyq", - dedi Áshimbaev QR Prezıdenti Nursultan Nazarbaevtyń qatysýymen ótip jatqan «Nur Otan» Saıası keńesiniń keńeıtilgen otyrysynda.
Budan bólek Máýlen Áshimbaevtyń sózine qaraǵanda, kásipkerler jıi kóteretin problemalardyń biri - ol kommertsııalyq maqsattar úshin qalalar men eldi mekenderde jer telimderi týraly aqparattyń qoljetimdigi máselesi.
"Sonymen birge, "Atameken" UKP málimetine qaraǵanda, ýchaskeniń maqsatty baǵytyn ózgertýge ruqsat alý merzimi 150 kúnge deıin ýaqyt alady. ıAǵnı, tıisti ruqsatnamany alýǵa birneshe aı kerek. Qyzylorda oblysynda tsıfrlandyrýdyń arqasynda ótinimderdi qarastyrý merzimi úsh esege deıin qysqardy. Bizdińshe, bul merzimdi áli de azaıtýǵa bolady", - dedi ol.
Osy oraıda M. Áshimbaev bul máseleni Ulttyq biryńǵaı aqparattyq onlaın-qyzmetti qurý arqyly sheshýge bolatynyn atap ótti.
"Bul óz kezeginde bızneske bir málimetter kózinen bos jer telimderi, aýktsıondar, standarttar týraly aqparat alýǵa múmkindik berer edi. ıAǵnı, jer ýchaskelerin alýǵa qatysty qajetti aqparat qamtylady. "Nur Otan" bul qyzmetti qoǵamdyq baqylaýǵa alady. Úkimetpen birlese osyndaı biryńǵaı onlaın-júıeni qurý baǵytynda jumys isteımiz", - dedi Máýlen Áshimbaev.
