Bos ýaqytymdy nemerelerimmen ótkizýge tyrysamyn - I. Tasmaǵambetov
ASTANA. 27 jeltoqsan. QazAqparat - Búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda Astana qalasynyń ákimi Imanǵalı Tasmaǵambetov jalaqasynyń kólemin aıtyp berdi.
«Ákimderdiń jalaqysy jalpy bir ǵoı, ıaǵnı 650 myń teńge kóleminde. Sonymen qatar Astanada jumys istep jatqanyma bes jyl boldy. Sol kelgendegi maǵan tıgen kólikpen júremin. Bul - «Audi» markaly kólik. Sondaı-aq «Lexus» markaly jol talǵamaıtyn kólik bar. Qalada qurylys qarqyndy júrip jatqannan keıin, nysandarǵa barý úshin osy kólikpen júrýge týra keledi»,-dedi ákim.
I. Tasmaǵambetovtiń sózine qaraǵanda, Almatydaǵy úıin Astanaǵa kóshkennen keıin satqan kórinedi. «Osynda páterim bolǵanmen, úsh jyl jer úıdi jaldap turdym. Sodan keıin Almatydaǵy úı satylǵannan keıin, osynda úı salyp aldym»,-dedi ol.
Sonymen qatar ol Jańa jyldy otbasymen qarsy alatynyn jáne bos ýaqytyn nemerelerimen ótkizýge tyrysatynyn aıtty.
